Teks Dheskriptif Profil Tokoh

google

A. Tegese Teks Dheskriptif Profil Tokoh
Teks dheskriptif profil tokoh yaiku salah sijine jinis teks wacana sing digunakake kanggo njlentrehake profil tokoh.

B. Titikane Teks Dheskriptif Profil Tokoh
1. Ana idhentitas tokoh
2. Ana prestasi utawa perjuwangan sing diduweni tokoh
3. Ana kaluwihan sing mung diduweni tokoh (keistimewaan)
4. Ana bab sing patut kanggo ditiru (keteladanan)

C. Olah Teks Dheskriptif Profil Tokoh
1. Tatacarane Nggawe Teks Dheskrptif Profil Tokoh
a. nemtokake tema lan topik
b. nggoleki dhata faktuwal ngenani tokoh sing arep didheskripekake
c. nggawe reng-rengan (kerangka; idhentitas, prestasi, keistimewaan, keteladanan)
d. ndheskripsekake reng-rengan sing wis digawe

2. Njingglengi Teks Dheskriptif Profil Tokoh
Njinggleng neng kene yaiku ngoreksi, ndandani, lan ngowahi teks. Dhasar sing digunakake kanggo ngingglengi teks kasebut diandharake ing ngisor iki:
a. tata tulis lan ejaane
b. tandha wacane
c. teges leksikal utawa gramatikale (makna tembung)

3. Maca lan Micarakake Teks Dheskriptif Profil Tokoh
Sajrone wicara sing apik, kudu ngerteni sapa sing ngomog, sapa sing dijak ngomong, apa sing diomongake, lan kepiye swasanane. Dene teknik sing kudu diduweni wong sing micara yaiku among cipta (nalar/logis), among swasana (adaptif), among rasa (etis, empatis, lan estetis), lan among raga (tampilan).

4. Njupuk Dudutan saka Isine Teks Dheskriptif Profil Tokoh
1) njinglengi tema lan topik sing diwedharake kanthi lisan utawa tulis
2) ngerteni bakune gagasan saben pada utawa saben bageyan omongan
3) nggatekake dhata faktuwal sing diwedharake sajrone bageyan-bageyane wacan kasebut, lan
4) nyundhukake apa sing diwaca utawa disemak karo kahanan sing ana ing bebrayan   adhedhasar kawruh utawa pengalaman sing diduweni sadurunge.