Geguritan

MediaIndonesia

A. Tegese Geguritan

Geguritan yaiku puisi mawa basa Jawa kang ora kaiket karo aturan-aturan kaya dene tembang.

 

B.  Struktur Teks Geguritan

1)  Struktur Fisik

a.   Pamilhe tembung (diksi)

Diksi yaiku tembung-tembung kang dipilih sajrone nulis geguritan

b.  Purwakanthi

Purwakanthi yaiku nggandheng tulisan/swara, utaw ngrakit tembung kanthi ngruntutake swarane. Tuladha: guru sugih guna, ginugu sagung guneme (mbaleni tulisan /gu/).

 

Nanging, purwakanthi sing ditengenke neng bab geguritan iki yaiku purwakanthi guru swara (rima). Rima yaiku huruf vokal sing ana ing mburine ukara (kalimat). Lumrahe, dijupuk vokal sing cacahe akeh ing pada (bait) kasebut.

c.   Tipografi (bentuke geguritan)

d.  Majas (gaya basa)

Majas yaiku gambaran pangangen-angen saka panggurit. Tuladhane majas yaiku (1) personifikasi (barang mati kaya-kaya bisa urip), (2) hiperbola (ngluwih-uwihake), lsp.

 

2)  Struktur Batin

a.   Tema

Tema yaiku idhe pokok kang diandharake dening panggurit (panulis geguritan)

b.  Citraan

Citraan yaiku gegambarn pancadria kang digambarake lumantar geguritan

c.   Amanat

Pesen kang kinandhut sajrone geguritan lan kena ditulad (dienggo conto)

 

C.  Carane Nulis Geguritan

1)  Nemtokake tema

2)  Nulis pamilihing tembung kanthi trep

3)  Nulis larik-larik geguritan adhedhasar pamilihing tembung

4)  Nliti utawa nyempurnakake geguritan sing ditulis

 

D. Carane Ngrelevansi Geguritan

Relevansi yaiku njumbuhake geguritan karo panguripan ing jaman saiki. Carane ngrelevansi geguritan kaya mangkene.

1)  Ngudhari utawa negesi (memberi pengertian) tembung-tembung sing utama

2)  Nemtokake tema kang kinandhut

3)  Njlentrehake ukara siji lan sijine, kepiye sambung rapete

E. FONOLOGI BASA JAWA (Panulise Tembung (Jejeg/Miring)

Swara jejeg lan miring kalebu bab titi swara ing ilmu basa. Ngunekake/ngucapake tembug kanthi cara jejeg utawa miring gumantung panggone aksara swarane. Kanggo nggampangake ngerteni bedane, bisa ndeleng tuladha sajrone dhaftar ing ngisor iki.

Aksara Swara	Jejeg	Miring
a	ana	anak
	ula	paku
i	kira	paling
	sikat	mulih
u	pupu	asung
	upa	warung
é	pepe	seleh
	sate	waleh
e (pepet)	wesi
	kendhi
o	sekolah	wos
	kolam	pojok

F. Nemtokake struktur teks lan ngrelevansi geguritan

1) Struktur teks geguritan

Ing ngisor iki diandharake struktur teks geguritan, yaiku struktur fisik lan struktur

batin

2) Relevansi geguritan

Geguritan kasebut jumbuh karo panguripan saben dina ing jaman saiki, yaiku wong tuwa kang ngupaya kanthi rekasa supaya anake bisa urip mulya.

"Tuladhane maca geguritan bisa di klik neng beranda bageyan sisih tengen blog iki, link penting"